الحب

i don't have money to love

msn

بدأت علاقتى بالانترنت والمسنجر بعد نتيجة الثانوية العامة وانتظار التنسيق العظيم

كان مسنجر قديم وعقيم وتعبان
بس كنت فرحان انى اتعلمت الانترنت والتعامل مع المسنجر
ومن ساعتها وهو ادمانى الاول
اتعرفت على شباب وبنات
من شات ومن منتديات
مصريين وعرب واجانب
منهم اللى عملنى بلوك ومنهم اللى عملنى ديليت
وكنت بتجنن طب ليه؟ وافض افكر ..طب انا عملتله ايه؟
منهم اللى بيختفى ويرجع بعد سنين
منهم اللى بيختفى وما بيرجعش
بتأثر بصداقاتى ع المسنجر تأثر كبيـــــــر جدا
يعنى افضل افكر ياترى فلان فين وجراله ايه انا قلقان اوى عليه واهريه ايميلات عشان اطمن عليه
بس ما لقتش الاحساس او التأثير ده عند حد
حسيت من خلاله انى على علاقة حب..بس اكيد وهم
او بمعنى اصح...فضول الحب
كنت بزقطط مع كل اصدار جديد او المسنجر بلاس
او البرنامج اللى ممكن تاخد بى اى ديسبلاى تعجبك
واتفنن بقى فى الستاتس والديسبلاى مع بعض
لانه فى وقت م الاوقات كان كل حياتى ووسيلة ترفيهى الوحيدة تقريباً
فين لما كان المسنجر عليه صاحب ولا 2 افضل مستنيه عشان اكلمه ويكلمنى
بس الظاهر كل ما بيكتر العدد ..كل ما بيقل الكلام !
المسنجر بسحره وجنانه وفرحه ومشاكله
اقول له سلام وكفايا اوى كده

للأسف

مش كل حلم بنحلمه لازم فى يوم هنحققه

وجددتى الامل فينا

يا ليلة العيد

يارب الحق نفسى

اياما معدودات

والغالى عمره ما هيرخص

ساعات الواحد فينا
بــيـــبــيع الدنيا فى ثانية
ويسيب الناس الغالية
ويروح للناس التانية

شعار المرحلة

قلة الأصل

28 ابريل

عيد الربيع = عيد ميلادى

النهاردة 3 ابريل

اول مرة يعدى عليا اليوم ده من 7 سنين من غير ما اقدر اقولهالك

هيوحشنى الشتا

عزائى الوحيد
استمتاعى الكامل به

استجمام

مش باقى غير ع اللى باقى

ده لو فى حد لسه باقى

مش قلبى..للأسف

ريـّح بالك

وانسى اللى نسيك..عيش ليك

تعبت

انا مش عارف اتغير

خير

اعمل الخير وما ترميهوش البحر

لانه هيغرقك لو عملته لحد ما يستاهلش

ان ترتدى دبلة

دى يا جماعة خطوات بياخدها اى حد بيخطب.. ولازم نتعلم منها

كتـّم ع الخبر

اختفى عن الناس

ما تعرفش حد

اللى بيحبوك ووحشتهم وعاوزين يكلموك ..ولا يفرقوا معاك

اقلب كل الناس

انتهى

دائماً

اللى نحبه بنودعه واللى فى ايدنا بنضيعه

! قلبك أبيض

ياريت اللى زعلان منى يسامحنى

واللى مش قادر يسامحنى ..ينسانى

أحسن ما قلبه يكون شايل منى

ويفضل ..قلبك أبيض

اهلاً بالعيد

الحمدلله

بداية البلوج كانت فى عيد

والعودة كمان فى عيد

كل سنة وكلكم طيبين وبخير واهم حاجة ..بفرحة وسعادة

اهلا بالعيد..اغنية صفاء ابو السعود الشهيرة هى بالنسبالى روح العيد